Yashwant Singhji, Mein aapko ye link bhej raha hoon.\u00a0 Aur bhee hain is ke saath saath. Ghalib ki ghazal ke do she’r\u00a0 jo maine likhe the un par zara tafseel se likhta hoon.<\/p>\n
Juz Qais koi na aaya ba-ru-e-kaar<\/strong><\/p>\n Sehra magar ba-tang-e-a-chashm-e-husud thaa.<\/strong><\/p>\n Ghalib kehte hain ki sivaye Majnoo’n ke Ishq ke muamle main koi dusra nahin barabaree kar saka.\u00a0 Laila ke ishq mein, Majnoo’n madarse mein, sirf Laila Laila likha karta tha. (Ghalib ne ye likha bhi hai: Khat likhenge garche matlab kuchh na ho.\u00a0 Hum to aashiq hain tumhare naam ke.)\u00a0 Jab Master ne yeh dekha to usne Majnoo.n ko madarse se nikal diya.\u00a0 Woh jungle mein chala gaya aur wahan bhi woh Laila Laila karta raha.\u00a0 baith gaya kahin.\u00a0 Uske baal bardh gaye, parindo.n ne ghonsle banaliye.\u00a0 Ek roz use jab yeh khabar mili ki Laila mar gayee to usne bhi baithe baithe dum tod diya.<\/p>\n Sehra magar ba-tang-e-a-chashm-e-husud thaa. <\/strong><\/p>\n Is misre mein Ghalib ye keh rahe hain ke ki sehra hasad ki aankh ki tarah tang thaa,. Usme kisi dusre aashiq ke liye jagah hee nahin thee( Ishara apni tharaf hai).<\/p>\n Ab Farhad ka kya qissa hai.\u00a0 Farhad Shrin ke ishq mein mubtila thaa.\u00a0 Shirin Badshah ki Begum thee.\u00a0 Farhad Shirin se Sha’adi karna chahta tha.\u00a0 To Badshah ne kaha ki theek hai, tum pahad kaat kar doodh ki nadi nikal kar le aao to hum Shirin ki shaadi tum se kar denge.\u00a0 Jab doodh ki nahar qareeb qareeb mukammil ho gayi to Badshah ne ye kehelwa bheja ki Shirin mar gayi.\u00a0 Farhad ne Shirin ke gham mein apne sir par Kudal maar kar khudkushi kar lee.<\/p>\n Ghalib ye kehte hain ki Farhad\u00a0 ka sir duniya ke rasmo-riwaj mein ghoom raha tha (yaani woh Shirin se Sha’adi karna chahta tha- sir gashtiye khumar-e-rasoomo-qayud tha).\u00a0 Is liye use Kudali ki zaroorat padi, apni jaan dene ke liye (Teeshe baghair mar na saka Kohkan ‘Asad’*).\u00a0 Jab ki Majnoo.n ki jaan nikal gayi, yeh sunte he, ki Laila mar gayi.\u00a0\u00a0 Ghalib ne apne khatoot mein yeh likha bhi hai ki Main Majnoo.n ko sabse bada aashiq maantaa hoon.<\/p>\n Ye Ghazal Asad takhallus se likhee hai<\/p>\n *Ghalib ki Asad takhallus se likhin ghazlain mere khyaal se 24, ya 25 baras ki umar tak ki hain.\u00a0 In ghazlon to ek saath padhne main kuchh aur hee lutf hai.<\/p>\n Ab aisa hai ki mujhe is tarah se likhne mein bahot zehmat hoti hai aur angrezi zaban mein urdu sha’eri ki baat karna mere khayal se theek nahin hai.\u00a0 Maine devnagri ke Font download kiye, woh haadasa apni jagah hai.\u00a0 Choonke aapka Ghalib mein shauq dekh kar maine bhee kheti baadi karne ki koshish ki.\u00a0 Is ki muafee chahta hoon.<\/p>\n Aap isi tarah likhte rahen aur logon ka zauq aur shauq bardhtaa rahe is se ziyada behtar koi kaam nahin hai.<\/p>\n link pe click karen…
<\/strong><\/p>\n