Yashawant ji, aapse guzarish hai ki inn alsaaye huye ungliyon ne pahli baar bahut mehnat se aapke website ke liye kuchh likha hai.. ummid karta hu ki 26/11 : टीआरपी जंग में जीत गया इंडिया टीवी! ke reply me mere lekh ko jaroor prakashit karenge.. aur haan, aapka bhi reaction janna chahunga agar aapke kimti samay se waqt nikal paye to..
Aapka aabhari rahunga
AAYUSH
Priya Yashwantji
Mujhe iss lekh par hansi bhi aa rahi aur sharm bhi par fir bhi ye sochkar mann ko tasalli de le raha hu ki ye kisi ram ke bhakt hanuman ki chalisa hai jisne ramji ko sine me baitha liya hai. Jab bhi apne tv par india tv dekhta hu to use hamesa sat-sat naman kar kisi aur channel ki orr rukh kar leta hu warna dost gariyaate hain aur padosi hansi udate hain..bahut baar aapke iss website ki madad se dil me basi bhadas nikalne ki kosis karna chaha par har baar sochta shayad ABB AUR NAHI HOGA..ABB AUR AISA FIR NAHI KARENGE…par namakul abb to apni besharmi ko bhi khule aam bech rahe hain..
Baat ko jyada ghumata nahi hu aur mudde par aata hu.
Maine bhi INDIA TV dekha…baki channel ka bhi luft uthaya..mann bhi hua ki likhu par aalsi hu so nahi likha..par achanak aaj bhadas par mahan aur vidhwaan TV JOURNALIST ko padha to ungliyaan unhi ki zubaan me apne aap keyboard pe aa gayi..INDIA TV news channel..khabariya channel ka sirf thappa laga nazar aata hai..pahle ‘shayad’ tha par ab bharosa hai inn mahanubhaw ko padh ke ki inhe apne krit par garv jarur hota hoga warna ab tak jarur sambhal gaye hote..iss channel ne apni HADEIN hamesa dhyaan me rakhi hain aur pichle dedh(1.6) saalo me kuch jyada nazar aane lagi hain inki HADEIN..desh ke eek matra KHABAR+YA…. channel ne apne madhyam se 25 november ki raat WORLD TV PRIMIERE “SAMANDAR” dikhane ka dawa kiya..SAMANDAR naam kyun chuna pure primiere me nazar nahi aaya. Fir bhi socha kuch to dam hoga warna WORLD TV PRIMIERE ka dam nahi bharte. Telefilm shuru ho gayi..INDIA TV PRESENTS..khoobsurat graphics ke saath..aur apne BIG B ki bhari barkam aawaz me ek kavita ki kuch panktiyon ke saath jise unke peeta aur mahan lekhak DR. HARIVANSH RAI BACHCHAN ji ne likha tha.. socha AMITABH BACHCHAN ko laga hoga ki jaisi film bollywood me banti hai utni to nahi par INDIA TV ne apne naam se alag film me to kuch kiya hoga..par nischit hi AMITJI ne jab film dekhi hogi (agar mouka mila hoga tab) to unhe sirf nirasha hath lagi hogi..AMITJI ne kisi VINOD KAPRI ka msg apne blog par bhi likha hai par afsos ki film ke bare me ek shabd nahi likha..shayad wahi VINOD jise aapne TRP guru bata dala hai..
Sahi batau to film me AMITJI aur ek ANJAAN SHAKSH ki aawaz ke shiwaay kuch bhi sarahneey yogya nahi tha…rahi baat film ki to mere jeevankaal ki ab tak ki sabse ghatiya film thi jise main 6 friends ke saath dekh raha tha..sabhi ne gariyana shuru kiya to apne haath me remote lekar channel badal badal kar dekhne pade….maine film dekhi par isliye nahi ki usme jaan thi, isliye ki INDIA TV ki hadd jaan saku..girne ki had..bharosa nahi ho raha tha apni thaki hui aankho par ki jiska intezaar do dino se kar rah tah wo aisa niklega..film me actor the aur acting bhi..par dono ka star itna nimna tha ki jo C-GRADE movie me bhi na dikhta ho..film me shirf do seen nazar aaye computer dibbo ke sath chaar log aur 8×6 ke kamre me aatankiyon se baatchit..puri film me shirf maro..marte raho..insha allah..sallam walekum..walekum assalaam jaise urdu ke jaane mane shabd sunne ko mile aur haan ek shabd to bhul gaya JANNAT..iska istemaal to iase huye jaise bina chhounk ke daal na ban pata ho..ye bazaar me bikne wal sabse sada gada samaan tha jise jaanwar bhi sungh ke chhod dete hain…par channel ki himmat to dekhiye, puri film ko dikhaya gaya..saath me har 15 minute me aanewale episode ki yellow patti bhi sath me chalai ja rahi thi..jise likhne wale ko bhi shabd nahi mil paa rahe the..iss yellow patti me bhi marne katne aur urdu ke shabd…
abb baat lekhak ki..jisne bhi script likhi wo agar LASHKAR me hota to OSAMA use apni jagah jaroor de deta..are bhai ! janab ne jo kamala ka idea jo diya..idea commando aur police se ladai ladne ka..aatank bhi kaanp jata agar idea sahi me Mumbai hamlo me taamil ho jati..kya sharm na aaya hoga uss writer ko jisne apne se isme ghatiya soch ki mirch masala daali hogi????
Iss film ne dard to bayaan nahi nahi ki lekin unn aatankwadiyon ke jazbe ko fir se jaroor jaga diya hoga jo bharat ko jahannum banana ki firaak me honge..film ko naam diya gaya “SAMANDAR”…par kyun pata nahi..shayad aatankiyon ko naam pasand aaya ho kyunki film me unke liye bahut kuch tha..hindustan ke har-ek-dil ko to istemaal kiye gaye shabd jaroor aapttijanak lage honge aur khaskar muslim samudaay ko jinhe Hindustan se pyaar hai.
Main iss channel ke sarvesarwa ko saalo se dekhta aaya hu..naam hai RAJAT SHARMA..jo AAPKI ADALAT jaise program me sawalo ka teer chalate hain to katghare me moujood guest roopi aaropi ke paas choop rahne ke shiwaay kuch nahi bachta..par jab unke channel par hi ye film dekhta hu to na jane aisa ku mehsoos hota hai ki iske kahanikaar RAJATJI honge, aisa lagta nahi hai…kyunki kuch saal pehle jab unhe news show par bolta suntan tha to sunte rahne ki ichha hoti thi…par unki soch aisi ho gayi hogi aisa lagta nahi…kyunki RAJATJI ko na to aisa suna, na jana aur nahi kabhi dekha..fir aakhir sawaal uthta hai ki kis vidhwaan marketing manager ne iss aatank roopi utpaad ko bechne ki himmat dikhai hogi..kahne ka tatparya hai ki kaun ho sakta hai iss aatank ki K, KH, G, GH… ka mahaan lekhak..kyunki RAJATJI ki ungliyaan aur unn ungliyon me pakde kalam se aise shabd kagaz par gadhe gaye hai to…main daawe ke saath kah sakta hu ki ye samay unke aanewale vipattijanak daur ko darsha raha hai..jo ek prakahr patrakaar se itar(alag) ek krur businessman ki chhavi me nazar aata hai.
Ek aur baat, ouri film me bahut saari batein gaur farmaane ke kabil hain..ki channel ke vidhwan lekhan iss baat ko bakhoobi maan rahe hain ki Pakistan me baithe aatakiyon kea aka HINDUSTANI news channel par Mumbai hamle ki pal-pal ki kahabar dekh rahe the..sirf dekh hi nahi rahe the balki aatankiyon ko lagatar VoIP ke jariye hamle ke tarike se wakif bhi kara rahe the..are INDIA TV WALON ! jab aapko ye baatein itni aasani se samajh aa rahi thi to LIVE kawrez kyun dikha rahe the ??? kyun masoomon ki jaan ke peeche pade rahe pure hamle ke dauran ??? kaun si tasweer pahle dikhakar kya pana chahte the ??? kya ho gay atha aapki samjhdaar soch ko??? Kyun desh ki shaan par batta laga rahe the ??? ek taraf telefilms banate ho..mante ho ki aakao ne bharat ke channel ko dekha..kush hote ho ki aatanki ne hamre channel ko phone kiya..par kya tumhara inn hamlo ke dauraan ko farz nahi banta ?? kyat um LIVE dikhakar kya unhe apni film ki tarah mouka de rahe the dahshat failane ka..kya tum bhi unhe panaah dene me sahyog kar rahe the ???
Mujhe pata hai ki aapke paas inn sabhi sawaalon ke do took jawab honge–hamara channel apne farz nibha raha tha..par RAJATJI agar aapka yahi farz hai to band kar do channel warna jis din hindutan jaaga aur samjha ki jo tumne kiya wo nihayat behuda aur ghatiya star ki soch thi, uss din shirf aao tamasha dekhoge, sirf tamasha..
Mujhe maloom hai aapke iss krit ko kai logo ne saraha hoga par afsos jara iss film ko kisi theatre me dikha kar dekhein..main dawa karta hu ki dobara aisi galti karna aap bhul jayenge..otne nayab tohfe milenge jiski aapne apne do dasak se jayada patrakarita career me nahi payi hogi..
Kya vidambana hai hamare desh ki ek news channel jo loktantra ka chautha stambh hai wo ek telefilms banata hai, aatankiyon ki aakao se baatchit sonata hai, kuch teen-paanch khud se jodta hai aur fir apni hi peeth par sabashi ka taal thokta hai!!!!!!!!!
Wah kya chaneel hai!!
DHANYA HO AAP AUR AAPKI CHALISA GANE WALI TEAM
Main kuch bhul gaya.. isi INDIA TV pe RAZA MURAD ki awaaz me TAAZ KI KAHANI, TAAJ KI ZUBAANI dil ko chhu gayi jise..aaj (27 nov) dekha..jisne bhi likhi hain wo iss film se bilkul juda hai..kiski fati hai aur kaha bhoot aya aur kaha bhuchaal nahi maloom.par haan itna jaroor kahunga ki program me mehnat nazar aayi..aapse guzarish hogi ki aap apne naam kea age se INDIA TV ka tag hata le kyunki shayad aap yaha ke liye nahi hain aur agar aap hai to aap bilkul hi uss KAMAL KE SAMAAN HAIN JO KICHAD ME NIKALTA HAI.
AAP JO BHI HO… HATS OFF
Aayush Tripathi
