Punjab ke sirhind mein ek chhota sa channel hai ANB NEWS ke name se. iske md mr joy kutti hai …
yeh peshe se ek buisnessman aur school chain ke founder hai jinka punjab mein rutba hai…
magar inke channel mein bhi school jaise hi kanoon lagaye jate hai…
aalam yeh hai ki abhi is channel ko khade hue mushkil s 1 saal poora hua hai wo bhi janvery mein aur yaha se kai log ja chuke hai…
yaha kisi bhi employ ko joining letter nahi milta …
kisi bhi employ ko id card nahi mila..
yaha tak ki lockdown jaise sthithi mein yaha k employes ko bhi wahi office mein rehne ko kaha gaya hai…
aapko jaan kr achraj hogi ki yaha ladkiyon aur ladkon ki personal life mein qya chal raha hai, isaki pal pal ki update yaha ke md ko hoti hai …
office primsese k bahar aap kya kar rahe hai, kisse mil rahe hai, sb ki jankari unko honi zaroori hai…
yeh bht choti si jagah mein hai ..magar unke do employes aise hai jinhone office k kai logon ko bht pareshn kara hai..
yaha koi bhi staff chain s kaam nahi karta … bus unko chhod k jo unki chakari bajate hai …
yaha output head aur anchor head dono milkar md ko sari suchnaye dete hai…
yaha aap thode der k liye bhi balcony mein khade nahi ho sakte..bahar nahi dekh sakte…na chai peene ja sakte hai… na kisi aur kaam se ..yaha tak ki yaha khana khane ka bhi koi vishesh intezam nahi hai ..
yaha ladke ladkiyan sath beth k khana kha le to unko kisi aur hi nazar se dekha jata hai …
yaha ke newsroom mein bilkul class jaisa mahol bnakr rakhne ki koshish ki jati hai taki koi bhi kisi se baat na kar sake…
sabse zyada chaukaane wali baat to yeh hai ki agar aap yaha BEEMARI se grasit hai ya Chhutti lete hai to aapko naukri se nikaal diya jata hai… jo staff subah ki shift mein aata hai usko chai tak banane ki permission nahi hoti… sath hi yaha pr output k kuch vishesh logon pr jabardasti pressure banaya jata hai khabron ka aur galtiyon ka jabki output head ko khud khabar tak likhni nahi aati…
yaha logon pr personal attacks hote hai… logon ko buri tarah humiliate kiya jata hai …
agar wo 2 din chhutti le le to unki shifts nahi lagai jati… yaha ki female aur male anchors ko padhne ka bikul time nahi diya jata… unse khabrein likhwai jati hai aur pressure banaya jata hai …
Yaha tak ki agar aap baat md tak leke jao to wo bina aapki baat sune aapko bahar kar denge sirf do logon ki baaton mein aakr…
Yaha ki female staff k sath bhi bura suluk hota hai …yaha ki female anchors ko character less ka tag deke out kiya jata hai… sath hi agar wo apni innocence proove bhi karde tab bhi unko nahi samjha jata…
yaha ki output head aur anchor head milkar sabko mently pareshn karte hai.. unki cheejen saamne nahi aati hai magar yaha ka staff hi janta hai jaise wo log kaam karte hai…
Yaha agar aapka name kisi k sath joda jata hai to ladke ko bus call pr bol diya jata hai ya bus yuhi nikal dete hai, bina soche samjhe…
yaha zara si baat ka issue bnta hai … ladkiyon ko pratadit karte hai … jo unki baat nahi mante unke bare mein rumours phailaate hai.. yaha tak ki families ko bhi involve karte hai… yaha ki ek female anchor ko itna pareshn kiya gaya ki usne ro roke kaam chhoda … aur ek ko to ghar mein uske father ko bola gaya ki uski engagement ho gayi hai … infact yaha poori pcr team ko ek sath nikala ja chuka hai..
abhi bhi jo log yaha kaam karte hai koi samane nahi aata qyuki yaha salary time pr thi but aapke ek galti pr aapke 500 rupe kaate jate hai.
magar kamaal ki baat yeh hai ki yaha output head aur anchor head se khabar likhne mei mistake hoti hai to na to unke paise kate na hi unke uper koi action hota hai..
yaha pr agar aap kisi shift mein thode comfortable ho jate ho to aapki shift apne hisab s badal di jati hai … but phir bhi do log morning shift nahi karte …yaha ke output staff ko baar baar pratadit kiya jata hai galtiyon k liye taki wo apne kaam mein concentrate na kar paye …
yaha zara si baat ko itna badha jata hai ki log pareshn ho jate hai …md sbke samne apni female employe se gali galoj karte hai jabaki wo female staff unse bus yeh poochthe hai ki unhone uske khilaaf rumours bhadkaane walo k uper qua action liya hai… usko galiyan di jate hai wo bhi newsroom k samane aur yeh bhi kaha jata hai ki wo yeh sb md ko badanam karne k liye keh rahi hai..
yaha ap kiske sath reh rahe hai se lekar aapne qya khaya wo tak md ko janana hota hai ..agar aap chhutti pr hai weak off pr hai (jo aapko output head aur anchor head ki suvidha ke hisab se milta hai) aur aap kahin bhi ja rahe hai aapki photo kheech kar bheji jati hai taki uska issue banaya ja sake..
infact Corona virus jaise mahamaari se ladne mein bhi yeh office fail hai… office ki male aur unmarried female staff se office mein hi rukne ko kaha gaya ..24×7 qyuki na unke pass curfew pass tha aur na hi unka id card bna hai …aur waha bhi kai logon ne rehne se mana kar diya aur log waha se apne ghar aagye aur aagar aap unki baat na maan kr apne room se jate hai to wo apki shift raat ki kar dte hai …
yaha ki anchors k pass koi bhi coats nahi hai…na hi koi coustume issue hoti hai… infact ab makeup k liye bhi koi nahi hai… makeup artist ko bus isilie nikaal diya gaya qyuki wo dono 22 of march yani sampoorna lockdown wale din office nahi aapaye the …jisme se ek female makeup artist ne call bhi kiye the ki unko police ne rok liya hai but unko phir bhi naukri se nikaal diya gaya …
jo log chhutti pr the aur nahi aa pa rahe the unko bhi nikala gaya …
Yaha ke log ko bina icards k jana padh raha hai ..bus unko normal mask de diye gaye hai… yaha na to cab ki suvidha hai females k liye na kisi aur cheej ki… infact yaha office ki minimum do gadiyan bhi hai but phir bhi kisi bhi female employe ko ghar nahi drop kiya jata jabtk wo khud na bole…
yaha ke employe bahut kashth mein hai …bahut zyda… wo keh nahi sakte qyuki sbki majbooriyan hai ..but yaha ka management mil kar unki un kamjoriyan ka fayda utha kr unko harres karta hai …
yaha newsroom mein aap kisi se baat nahi kar sakte…apni seat se nahi uth sakte …
Meri aapse vinti hai ki kuch kare hm sb bht pareshn hai.
एक पीड़ित मीडियाकर्मी द्वारा भेजे गए पत्र पर आधारित.
(अगर चैनल प्रबंधन अपना पक्ष [email protected] पर भेजता है तो उसे ससम्मान प्रकाशित किया जाएगा.)
